姜濤 (姜B)

香港男子組合《MIRROR》近期喺香港可以稱得上係全城矚目,Mirror由12位成員組成,當中包括有姜濤、Anson King、Anson Lo、Alton、Edan、Frankie、Ian、Jer、Jeremy、Lokman、Stanley同Tiger,所有成員都曾經係2018年ViuTV 選秀節目《全民造星》中嘅選手。今次我哋會細睇嚟自Mirror嘅「人氣王」——姜濤嘅小檔案,想知道更多姜B嘅魅力之處?一齊睇埋落去啦!

名稱:姜濤(Keung To)

別名:姜B、姜仔、姜姜、姜man

生日:1999年4月30日

粉絲名稱:姜糖

金句語錄:

「我相信香港歌手可以再次成為亞洲第一。」

「音樂無分國藉、無分貴賤,無分對錯,香港樂壇加油!」

「可能有好多民眾會講姜濤值唔值得攞獎,點都好,我以後會用作品說話。」

「明白花無百日紅,相信歌手做好自己作品,就是一個保證。」

「我從來不覺得自己是很勤力的人,但我是個很幸運的人,現在唯有再勤力一點,否則有更勤力和更有天份的人,就會輸得很慘。」

個人作品:

歌曲:《一號種籽》、《亞特蘭提斯》、《一天多一點》、《蒙著嘴説愛你》、《孤獨病》《愛情簽證申請》、《Master Class》、《Dear My Friend,》、《特務肥姜2.0》

電視劇:《退休女皇》 姜太文、《男排女將》姜B、《太平紋身店》葉天晴、《超感應學園》馬穎宸

《Good Night Show 全民造星》成名之路:

姜濤於2018年參加全民造星比賽期間表現出色,節目播放期間以可愛謙虛嘅性格收穫咗唔少人氣,直到最後十强總決賽中以評判給予的高評分與公衆投票環節的高票數成爲冠軍,與其餘十一位成員組成Mirror後更以個人歌手的身份推出單曲。

個性魅力之處

展現出姜濤個性嘅出名事跡唔少,以下幾個你有冇聽講過呢?

  1. 奪「我最喜愛男歌手」及「我最喜愛歌曲大獎」後於IG謙虛發文

姜濤在《叱咤樂壇流行榜頒獎典禮2020》破紀錄奪得兩個獎項,成爲歷年最年輕嘅得獎者,但佢冇因爲咁而自滿,反而認爲自己實力未能廣獲認可,資歷仍然不足,就算係成爲咗香港人氣寵兒,一如既往嘅謙虛態度大獲好評。

  • 用作品證明自己

姜濤嘅金句當中有唔少都表現出佢希望透過自己嘅作品證明實力嘅想法,實際上,佢都有努力練習唱跳,對待每次舞台都非常認真,周不時會見到姜濤彩排到凌晨嘅消息,早前,姜濤出席品牌活動期間因爲睡眠不足而暈倒,呢種脚踏實地嘅做法同拼搏精神吸粉無數,同時都令姜糖心痛呢位咁努力嘅偶像。

  • 勵志成長故事

姜濤曾達200磅嘅小故事相信好多人都知道,因爲體型嘅原因,姜濤之前比較缺乏自信,但係佢喺短短一年幾成功減肥,逐漸變得自信,人際關係亦有所改善,之後更加係踏上舞台,成爲香港人氣新星,可見佢有極大嘅恆心同埋堅定嘅信念追夢。

發佈回覆

你的電郵地址並不會被公開。 必要欄位標記為 *